Электр энергиясының көтерме нарығы ережесіндегі Бірыңғай сатып алушы тарапынан атаулы көмек алушылар туралы

Кейстің қысқаша сипаттамасы

01.07.2023 жылдан бастап қолданысқа енетін Электр энергиясының көтерме нарығы ережесінің жобасы Біріңғай сатып алушы тарапынан тек Кепілдікпен жеткізушілерге ғана атаулы қолдау көрсетуді көздейді. Алайда халықты (тұрмыстық тұтынушыларды) электр энергиясымен жабдықтау қызметін уәкілетті органдармен реттелмейтін энергожабдықтаушы ұйымдар жүзеге асыратыны ескерілмеген.

Ағымдағы күйі

22.06.2023 жылы Қауымдастық «Атамекен» ҚР ҰКП-ға осы мәселе бойынша тиісті уәкілетті органдарға жүгіну туралы өтініш жолдаған. Сонымен қатар, Қауымдастық Бәсекелестікті қорғау және дамыту агенттігі ұсынған Электр энергиясының көтерме нарығы Ережелеріндегі тиісті норманың нұсқасын қолдады, ол Бірыңғай сатып алушыдан тұрмыстық тұтынушыларға атаулы қолдауды бөлуді қарастырады (олар үшін электр энергиясын жеткізуші кім екеніне қарамастан – реттелмейтін энергожабдықтаушы ұйым ба, әлде электр энергиясын кепілдікпен беруші ұйым ба).

Осыған қоса, Қауымдастық нарықтың барлық қатысушылары үшін қолайлы атаулы қолдау мәселесі бойынша шешім іздеу үшін ҚР Энергетика министрлігі, Бәсекелестікті қорғау және дамыту агенттігі, Табиғи монополияларды реттеу комитеті, «Атамекен» ҚР ҰКП және ҚАЗЭСО өкілдерінен келісім комиссиясын құруды ұсынды.

Жұмыс тобы аясында Қауымдастық өз позициясын тұжырымдады: егер кемсітушілік сөзсіз болса, онда оның қолданылу мерзімі - 1 жылдан аспауы керек.

07.11.2023 ж. Қауымдастық ҚР ҰЭМ ТМРК-не 01.01.2024 ж. бастап атаулы қолдау көрсету тізімін өзектендіру қажеттігін еске салды.